Marrëdhënia mes Kanye West dhe Kim Kardashian vazhdon të jetë në qendër të vëmendjes, këtë herë me akuzat e rënda që Kanye ka ngritur ndaj ish-bashkëshortes së tij. Ai e ka akuzuar Kim për trafikim fëmijësh, duke i lidhur pretendimet e tij me pjesëmarrjen e vajzës së tyre, North West, në një këngë të FKA Twigs dhe një video në TikTok.
“Kardashianet janë punonjëse seksi dhe ato i trafikojnë të gjithë fëmijët e zinj që prodhojnë në mënyrë strategjike!” – shkruan Kanye në X.
Këto akuza kanë nxitur tensione të reja mes dy ish-partnerëve, të cilët tashmë ishin në konflikt për kujdestarinë e fëmijëve të tyre. Javën e kaluar, Kim shprehu shqetësim mbi mundësinë që North të ishte afër Andrew dhe Tristan Tate gjatë qëndrimit të saj me Kanye.
Vëllezërit Tate kanë qenë subjekt i hetimeve ligjore për akuzat e ngritura kundër tyre, duke përfshirë krijimin e një organizate kriminale dhe sulme seksuale. Megjithatë, deri më tani, ata nuk janë dënuar.
Ndërsa burimet thonë se Kim nuk është e shqetësuar që North ose fëmijët e tjerë të kenë lidhje me Tate apo Diddy, i cili po përballet me akuza të tjera të rënda, ajo mund të ndërmarrë hapa ligjorë.
Në anën tjetër, disa e konsiderojnë sjelljen e Kanye-t kontradiktore, veçanërisht duke pasur parasysh mënyrën se si ai e ka ekspozuar publikisht bashkëshorten e tij të re, Bianca Censori.
Sipas burimeve, Kim mund të kërkojë ndryshim të kushteve të kujdestarisë, duke tentuar ta kufizojë Kanye-n. Nga ana e tij, edhe Kanye ka sugjeruar një kërkesë të ngjashme.
