Tre muaj më parë “People” raportoi se Kanye West kishte blerë një fermë për 14 milionë dollarë dhe së fundmi është mësuar se ai ka marrë në pronësi sërish diçka të ngjashme. Sipas “Greyball Standard”, West ka blerë fermën Bighorn Mountain për të njëjtën shifër sa ferma e parë. Përveç kësaj, një burim pranë tij ka konfirmuar për “People” se Kanye ka blerë edhe një magazinë gjigande në Cody. Pavarësisht se mund të mendohej se shpërngulja e tij do të prishte jetën e qetë të vendasve, është mësuar se në të vërtetë fqinjët po e presin West dhe familjen e tij krahëhapur. Ferma e fundit që reperi ka blerë zë një sipërfaqe prej rreth 6700 hektarësh dhe përbëhet nga disa shtëpi perfekte, kodra të mbuluara me bar dhe hapësira të mëdha të mbushura me pemë.
Në të ka një shtëpi me 5 dhoma gjumi dhe 4 tualete, një kuzhinë më vete ku mund të flenë dy persona, dhe tre shtëpiza të tjera shtesë ku mund të qëndrojnë 4-6 njerëz. Për momentin Kanye West, bashkëshortja e tij, Kim Kardashian, dhe fëmijët e tyre, jetojnë në një rezidencë në Kaliforni të cilën e kanë blerë në vitin 2014 për 20 milionë dollarë. Në të ardhmen ata mendojnë që të jetojnë në një nga fermat dhe këtë gjë e ka treguar vetë Kim në intervistën për “Vogue Arabia”. /revistawho.com
