Rezart Veleshnja nuk i kurseu surprizat në një intervistë të fundit, ku rrëfeu për herë të parë disa prej prapaskenave më të çuditshme gjatë kohës që ka qenë pjesë e spektaklit të humorit “Portokalli”. Aktori u ndal te marrëdhëniet mes kolegëve dhe energjia brenda grupit, duke përmendur një episod që e kishte lënë pa fjalë.
“Kam kapur nja dy duke bërë seks bashkë. Ishim brenda Portokallisë. Ishte i përhershëm ky muhabet,” – u shpreh ai, duke nënvizuar se dinamika mes aktorëve shpesh dilte përtej asaj që publiku sheh në skenë.
Megjithatë, ai theksoi se nuk do të japë emra, për të mos shkaktuar probleme në jetën personale të personave të përfshirë:
“Nuk ia them emrat se i prishim punë, ndahen nga familja,” – tha Veleshnja.
Kjo deklaratë vjen në vazhdën e komenteve të tij shpesh të drejtpërdrejta e të pakursyera ndaj figurave publike dhe produksioneve të ndryshme. Edhe më parë, ai ka qenë protagonist në titujt e mediave për deklarata të forta, ndër të cilat përfshihen edhe kritika ndaj produksionit të BBVK dhe ngjarje personale që kanë tërhequr vëmendjen e publikut.
