Pak ditë më parë reperja, Tayna, publikoi këngën e saj më të re, ‘Ring Ring’, ku përveç tekstit të veçantë tërhoqi vëmendjen edhe stili i këngëtares. Në disa pjesë të videos Tayna shihet e veshur me një ‘body’, pelerinë dhe si aksesorë mbante një kapele të madhe në kokë.
Disa ditë më vonë u vu re se dhe Elvana Gjata kishte bërë të njëjtën zgjedhje për koncertin e pavarësisë së Kosovës. Në një njërën nga veshjet shihej se dhe Elvana mbante një kapele të madhe në një ngjyrë blu me yje të verdhë, që simbolizonin flamurin e Kosovës.
Ky stil siç duket do të përhapet me shpejtësi në radhën e artisteve shqiptare, duke qenë se është dhe një trend i momentit në mbarë botën. Ndër të parat që provoi të guxonte ishte Beyonce, sepse e kemi parë shpesh në turnet e saj të mbajë kapele, që i fshihnin edhe një pjesë të tipareve të fytyrës.
Edhe Jennifer Lopez bëri të njëjtën zgjedhje për parakalimin në tapetin e kuq në ‘Grammy’.
Në fakt kjo nuk është hera e parë që personazhet e njohur shqiptarë frymëzohen nga yjet e ‘Hollywood-it’, duke ditur se trendet krijohen atje e më pas përcillen në të gjitha vendet e botës. /revistawho.com
