Michelle Obama dhe dy vajzat e saj, Malia dhe Sasha, janë në një turne global për të promovuar iniciativën Let Girls Learn,që ka si bazë edukimin e grave më në nevojë. Në një prej ndalesave të tyre, Malia e cila tashmë ka mbushur 18 vjeç, bëri diçka që shumë nga vajzat e moshës së saj, pasi kanë mbaruar shkollën e bëjnë: të kërcej gjatë gjithë natës në një klub nate. Vendi që kishte zgjedhur ishte Amsterdami. Megjithatë hapat e bijës së njeriut më të fuqishëm në botë, ndiqen si me lupë, dhe nata e saj e çmendur në një klub hollandez ishte filmuar, madje u publikua shoqëruar me komente mjaft negative lidhur me sjelljen e saj të cilësuar si të egër.
Gjëja e parë që vihet re te komentet negative është se Malia shfaqet duke pirë. Por në Europë kjo është e lejueshme përderisa ajo është 18 vjeç.
Gjithashtu mediat kanë dhënë edhe deklaratat e një DJ hollandez, Youri Roest, i cili ka qënë dëshmitar në klabin ku Malia kishte qenë. ” Është një balerinë e shkëlqyer njësoj si i ati. Çfarë lloje komentesh janë këto? Vajza e një Presidenti nuk mund të kërcej e të sillet si çdo vajzë tjetër e moshës saj? – është shprehur Dj hollandez.
