Turqia ka arritur një fitore tejet të vlefshme ndaj Republikës së Çekisë në kampionatin evropian duke i shtuar gjasat për të kaluar tutje. Por më i kritikuari pas dy humbjeve të para tek turqit ka qenë kapiteni Arda Turan. Ai është sulmuar nga tifozët e shumtë, duke e fyer atë dhe duke e fishkëlluar. Por mesfushori i Barcelonës ka zbuluar se ai ka rezistuar duke mos qarë, por nëna e tij ka derdhur lot pasi dëgjoi fyerjet. “Jam mundur të mos qaj pas fyerjeve dhe fishkëllimave”, tha Turan për televizionin ‘Lig TV’. “Fyerjet e atyre e kanë bërë nënën time të qajë. Mos u brengosni, do t’i mbaj në mend”, deklaroi Turan.
