Kapriçot e motit nuk kanë fund, vjen një lajm aspak i mirë për verën

Të gjithë e presin me padurim stinën e verës, për të shijuar disa ditë pranë detit dhe për t’u qetësuar disi. Por një lajm aspak i mirë vjen nga ‘AccuWeather’ për verën e këtij viti. Parashikohet se kjo verë nuk do të jetë e nxehtë, madje priten stuhi të fuqishme. Në këtë njoftim të ‘AccuWeather’ thuhet se Tirana, Roma, Sofja do të përfshihen nga stuhi, të cilat mund të shkaktojnë përmbytje shumë serioze. Kjo vjen për shkak të përzierjes së temperaturave me lagështirën e ardhur nga Mesdheu. Ndryshe nga gjithë vitet e kaluara, këtë herë pritet që moti i nxehtë të dominojë në Britaninë e Madhe, Francë, Belgjikë dhe Holandë. Megjithatë stina e verës në përgjithësi do të karakterizohet nga shiu dhe erërat e forta, prandaj pushimet duhen menduar mirë! /revistawho.com