Sulmuesi i Dortmundit, Karim Adejemi nuk po kalon momente të mira në fushën e lojës teksa në 18 ndeshje, ka arritur të shënojë dy gola në Champions dhe të japë dy asiste. Performanca e tij e dobët në fushë ka rënë në sytë e të gjithëve dhe në Gjermani fajtore bëjnë Loredanën.
Në një intervistë të publikuar nga klubi i Dortmundit Adejemi i ka dalë në mbrojtje Loredanës teksa shprehet se: “Më duket çmenduri që njerëzit reagojnë në këtë mënyrë. Nuk është e padrejtë me mua, por me të dashurën time. Ajo nuk ka të bëjë me performancën time në fushë. Ndonjëherë njerëzit shqetësohen të gjykojnë pa e ditur, është absurde. Nuk ishte një gjysmë e parë e mirë e sezonit dhe unë nuk jam i kënaqur me veten time”.
