Ditën e sotme Kastro Zizo ishte i ftuar special në rubrikën “Be Coffee” në emisionin “E diela shqiptare”. Përveç humorit, i cili nuk mund të mungonte, Kastro dha dhe një lajm shumë interesant. Artisti tregoi se këtë vit do të rikthehet grupi shumë i njohur i fillimit të viteve 2000, në të cilin ai ka qenë pjesë, “2 Farm”. Zizo tha se vazhdon të ruajë raportet e mira me anëtarët e tjerë dhe se këtë verë do të rikthehen me rastin e 20 vjetorit të krijimit të grupit.
“Këtë verë do të ketë një ribashkim të ‘2 Farm’. Do të festojmë me një koncert të madh 20-vjetorin e krijimit të grupit. Me këtë dua të tregoj se nuk ka më vetëm muzikë me teneqe, por ka dhe muzikë të bërë mirë, të risjellë në 2019”, është shprehur Kastro. Grupi “2 Farm” u bë shumë i njohur për tekstet e goditura dhe disa nga këngët më të famshme të tyre ishin: “Tradhëtia”, “Ushtari dhe Bajoneta”, “Të etur”, “Dedikim” etj.
https://www.youtube.com/watch?v=U6Yoa8DaQsI
Kujtojmë se tashmë Kastro Zizo nuk është shumë aktiv në muzikë, sepse ka vendosur t’i dedikohet televizionit. /revistawho.com
