Ata mund të kenë albume të tëra me foto, por ne këtë kemi parë dhe na duket poza më e bukur. Bebushi që shihni në foto është kantautori Kastro Zizo i cili në vitin 1985, pozonte në krahët e mamit e ende nuk e dinte se në vendin ku erdhi në jetë do të bëhej njeri i famshëm. Ai sot është artist por edhe një personazh i veçantë. Për fat të keq nëna e Kastros është ndarë nga jeta dhe ai herë pas herë e kujton edhe duke ndarë diçka me miqtë e rrjeteve sociale. E as në këtë rast nuk ka munguar batuta: “Nëntor 1985, unë dhe mami. Unë që po mendoja se si bëhej byreku me hithra!”, shkruan këngëtari që e quan veten “djali me lule në kokë”.
