Kastro Zizo është duke përjetuar momentin më të mirë të karrierës së tij. Shumë hite të tij do të dëgjohen tashmë edhe nëpër botë. Kantautori i talentuar është bërë pjesë e labelit të njohur botëror, 360M Records. Lajmin e ka bërë të ditur vetë këngëtari në rrjetet sociale. Ja çfarë shkruan ai: “Me krenari mund t’ju them që nga sot jam pjesë e labelit 360 M RECORDS me seli në New York. Këngët e mia tashmë do të kenë shpërndarje botërore. Mbi 10000 Dj, radio, tv dhe programe mediatike do të kenë dhe informohen mbi materialet e mia. Kontrata është me baza ligjore dhe përmbush çdo kërkesë reale timen. Më në fund jam pjese e diçkaje që më përmbush artistikisht”.Kastro Zizo e ka nisur karrierën rreth viteve 2000 me grupin e famshëm “2 Farm”, albumet e të cilit kanë shënuar rekorde shitjesh për kohën. Ai është gjithashtu fitues i një sërë çmimesh në kompeticionet e ndryshme artistike.
