Këngëtari Kastro Zizo, i njohur si djali rebel dhe jashtë kornizave, ka një anë shumë të ndjeshme kur vjen puna tek familja dhe njerëzit e dashur.
Me rastin e ditëlindjes së nënës së tij të ndjerë, ai i ka dedikuar asaj disa fjalë të dhimbshme për të kujtuar edhe njëherë boshllëkun që i ka lënë mungesa e saj.
“Nuk mundesha të shkruaja 2 fjalë për ty nënë…kujtimi, pendimi, dhimbja e madhe që kam nga mungesa jote më bën të ndihem i huaj dhe i vogël ndaj kësaj që e quajm jetë. Dje do ishe 60 vjeç…dhe ti kurr si “kape”! Ndoshta nga mirësia dhe pastërtia e madhe që kishe në shpirt, ndoshta nga përkujdesia që kishe ndaj meje, motrës, babit dhe gjithë nipit e mbesave të tua ti ike shpejt, se shpejt të kërkonin aty ku je. Me lot në sy të kujtoj çdo ditë dhe ky djali i “fort” lëngon si të ishte fëmijë mungesen tënde. Mbase sdo bëhem ai që doje…por në çdo sekondë do të mbaj në shpirt. Më mungon shumë mam. Dhe dy fjalë ti thashë… Tani, kur sje më! Më fal.”-ka shkruar këngëtari në rrjetet sociale.
Kastro e përmend nënën e tij dhe betejën që ajo ka humbur me sëmundjen e shekullit pothuajse në çdo dalje të tij publike./revistawho.com
