Kate Middleton, Princesha e Uellsit, tashmë po shërohet në shtëpinë e saj në Windsor. Siç zbulohet nga Kensington Palace, Kate do të vazhdojë në shtëpi shërimin e saj pas operacionit.
Kjo i jep fund dy javëve të thashethemeve të vazhdueshme për gjendjen shëndetësore të gruas së Princit William, të cilat çuan në spekulime për shëndetin e princeshës dhe nëse familja mbretërore britanike fshihte disa detaje.
Kensington Palace nuk sqaroi shkallën e dëmtimit të Princeshës së Uellsit, e cila supozohet të jetë mjaft e rëndësishme që axhenda e saj të ndalet të paktën deri në Pashkë. Pikërisht atëherë, sipas raportimeve nga tabloidët, Kate do të jetë në gjendje të rifillojë detyrat e saj zyrtare.
“Princi dhe Princesha dëshirojnë të falënderojnë të gjithë ekipin në Klinikën e Londrës, veçanërisht stafin e përkushtuar të infermierisë, për kujdesin që kanë ofruar”, thuhet në një deklaratë.
