Kate Middleton e mërzitur nga lajmet e rreme, gati të marrë masa ligjore

Kate Middleton është bërë shpeshherë pjesë e mediave për mosmarrëveshje që ka me njerëz të ndryshëm në jetën e saj. Në tabloidët anglezë është përfolur shumë për marrëdhënien e keqe të saj me Meghan Markle dhe së fundmi për një zënkë të dukeshës me një miken e saj. Pak ditë më parë “The Sun” raportoi se Kate dhe një fqinje e saj në fshatin Norfolk, kishin marrëdhënie armiqësore mes njëra-tjetrës. Ndërsa “Daily Mail” thotë se ky lajm është i rremë dhe dukesha së bashku me miken e saj ishin gati të merrnin masa ligjore kundër gazetarëve që shpifën. Megjithatë ato të dyja vendosën të mos bënin asgjë këtë herë, duke qenë se asnjë nga reporterët nuk kishin dëshmi në lidhje me lajmin. Në artikullin e publikuar nga “The Sun” thuhej se Middleton nuk i pëlqente të kishte pranë shtëpisë së saj fqinjën në fjalë, ndaj i kishte kërkuar Princit William ta largonte menjëherë.  /revistawho.com