Princi Harry dhe Meghan Markle thuhet se i kanë uruar shërim të shpejtë Mbretit Charles dhe Kate Middleton, pasi të dy janë përballur me probleme shëndetësore.
Buckingham Palace kishte njoftuar më parë se Charles do t’i nënshtrohet një procedure pas zmadhimit të prostatës, ndërsa Middleton iu nënshtrua një operacioni abdominal.
“Mbreti dhe Princesha e Uellsit kanë marrë mbështetje nga Princi Harry dhe Meghan në lidhje me shëndetin e tyre”, tha një burim për The Mirror.
“Duka dhe Dukesha kontaktuan të dyja palët në mënyra të ndryshme për të shprehur shqetësimin e tyre dhe i uruan shërim të shpejtë”.
Thuhet se Harry mësoi për gjendjen shëndetësore të babait të tij përmes mediave.
Ndërkohë, Pallati ka bërë të ditur se operacioni i Middleton ka qenë i suksesshëm.
