Kate Middleton ka kryer ndërhyrje estetike? Pallati mbretëror tregon të vërtetën

Një doktor britanik i kirurgjisë plastike, Munir Somji spekuloi se Kate Middleton ka kryer ndërhyrje estetike në fytyrë. Ai publikoi në rrjete sociale dy foto të dukeshës për t’i krahasuar dhe në to shkruante se ajo e dashuron ‘botox-in’. Siç duket kjo gjë nuk është pritur aspak mirë nga pallati mbretëror, ndaj si rrallëherë ata kanë vendosur të reagojnë. Në një prononcim për “The New York Post” një zëdhënës i pallatit i ka mohuar këto spekulime në mënyrë kategorike. Gjithashtu ai ka shtuar se familja mbretërore asnjëherë nuk i mbështet të tilla aktivitete komerciale. Ndërsa klinika në të cilën thuhet se Kate ka kryer ndërhyrjen tha se nuk mundet të tregojë nëse ajo është apo jo kliente e tyre. “Ne kemi një marrëveshje me personazhet e nivelit të lartë se nuk duhet t’i zbulojmë nëse ata janë apo jo klientët të tanët. Ne nuk mundemi të komentojmë nëse ajo ka ardhur tek ne”, kanë thënë përfaqësues të klinikës. Në fakt ndryshimet e Kate gjatë viteve janë shumë të vogla, ndaj vetëm një profesionist i fushës mund të vërtetojë nëse dukesha përdor apo jo ‘botox’. /revistawho.com