Gjatë muajit prill, Kate Middleton solli në jetë fëmijën e tretë të saj dhe Princit William. Këto muaj ajo ka qenë me leje lindje dhe sigurisht që gjithë kohën ja ka kushtuar kujdesit të të voglit, Princit Louis. Tashmë ajo u është rikthyer sërish punëve dhe sot është shfaqur zyrtarisht në një shkollë në Londër. Kate dukej pak më ndryshe nga herët e tjera, me flokë më të shkurtër dhe e veshur shumë thjesht. Madje në veshjen e saj binin në sy çizmet që Dukesha i mban veshur prej 14 vitesh.
Pavarësisht se gjatë kësaj kohe ka qenë e shkëputur nga punët e saj, Kate ka marrë shpesh pjesë në evente të ndryshme. Megjithatë tashmë që leja e lindjes mbaroi ajo do të rikthehet plotësisht dhe do të vazhdojë të jetë e pranishme në të gjitha eventet e familjes mbretërore deri për Krishtlindje. /revistawho.com
