Ditën e djeshme Kate Middleton vizitoi një organizatë bamirësie në Mbretërinë e Bashkuar. Dukesha është nënë e tre fëmijëve dhe ka ndarë me gjithë nënat e tjera që ishin të pranishme në takim, sfidat e të qenurit prind. Sipas saj të gjitha ndajnë pak a shumë të njëjtat eksperienca.
“Është shumë e vështirë! Në ditët e para dhe deri sa fëmija bëhet një vjeç ke shumë mbështetje nga të gjithë. Po pas kësaj nuk ka më ndihmë, ka shumë libra që duhet t’ua lexosh”, – ka thënë dukesha shkruan “Harper’s Bazaar”. Kate Middleton ka kushte të ndryshme nga shumë nëna të tjera, por të jesh prind nuk ndryshon aspak, sepse të gjithë duhet të sillen njësoj. Dukesha dhe Princi William kanë tre fëmijë, princi George, princesha Charlotte dhe princi Louis, që bën 1 vjeç në muajin prill. /revistawho.com
