Kate Middleton hapi zyrtarisht vitin e vizitave të saj me një moment të veçantë në spitalin Royal Marsden në Londër, ku vitin e kaluar iu nënshtrua trajtimeve për kancer. Princesha e Uellsit, që kaloi një periudhë të vështirë me kimioterapi dhe rikuperim, ndau përvojën e saj me pacientët dhe stafin mjekësor.
“Është vërtet bukur të hysh nga dera e përparme,” tha ajo me emocion, duke reflektuar mbi vizitat e mëparshme të fshehta gjatë trajtimeve të saj. Gjatë vizitës, ajo u tregua mbështetëse dhe ndjeshme, duke inkurajuar një paciente: “Ka dritë në fund të tunelit. Ju jeni në duar të sigurta.”
Kate, e veshur me një fustan burgundy elegant dhe një pallto klasike, vlerësoi përkushtimin e stafit dhe diskutoi përparimet në kërkimin e kancerit, duke përforcuar angazhimin e saj si mbrojtëse e spitalit. Prania e saj solli shpresë dhe optimizëm, duke lidhur traditën mbretërore me kujdesin ndaj komunitetit.
