Kate Middleton, zbulohet sekreti i lëkurës së saj me shkëlqim

Gjithçka që ka lidhje me Kate Middleton përbën lajm. Aq më tepër kur specialistja e saj vendos të ndajë me ne sekretin e lëkurës së saj me shkëlqim. Dhe të na lejojë të zbulojmë kështu se eliksiri i mrekullueshëm mund të jetë në kuzhinën tonë. Por e nisim me radhë. Debora Mitchell, emri i së cilës lidhet me lëkurën plot shkëlqim të Kate Middleton. Dhe është ajo që kujdesej për lëkurën e saj para dasmës. Dhe është ajo që kujdeset edhe sot, kur Kate është e martuar dhe me dy fëmijë. Detyrë jo e lehtë duke pasur parasysh rolin e Dukeshës së Kembrixhit, jetën e saj frenetike me takime, ceremoni, familjen e shumë gjëra të tjera, çka do të çonin drejt një ezaurimi nervor që i reflekton pasojat edhe në tipare fizike dhe fytyrë. Kjo mund t’i ndodhë kujtdo, por jo dukeshës sonë e cila në mënyrë të pashpjegueshme vazhdon të shfaqet perfekte në çdo okazion zyrtar. Dhe është normale që gjithçka që lidhet me rutinën e saj të bukurisë, nga flokët tek lëkura, të shkaktojë një kuriozitet maniak tek të gjithë ne. Paramendoni nëse zbulohet sekreti dhe sekreti i gjithçkaje është në një maskë që Mitchell e përgatit duke përdorur si bazë….Nutellën. Po, e lexuat mirë. Po flasim për kremin më të famshëm me kakao dhe lajthi në botë, të cilin Mitchell e përzien me sheqer dhe një balsam buzësh: ndërsa kakao e gjendur tek nutella siguron antioksidantët e nevojshëm për të luftuar radikalet e lira, sheqeri siguron një eksfolim të lehtë, ndërsa balsami i buzëve rikthen hidratimin e duhur shkruan femrat.al. Jo vetëm kaq, por Mitchell na gostit ende duke zbuluar sekretin e një maske të bërë vet e cila ushqen këmbët mbretërore. Mjafton të shtypni dhe të përzieni një banane dhe një avokado për të përftuar një përbërje e cila duhet aplikuar në lëkurën e këmbëve dhe pastaj të vishni çorape, në mënyrë që të realizoni një përbërje ushqyese ultra efektive.