Kate Winslet :“Kjo është hakmarrja ime”

Të kesh një jetesë të mirë dhe të jesh i lumtur është hakmarrja më e mirë për të gjithë ata që duan të të shohin keq, të paktën kështu mendon Katë Winslet. Aktorja 40-vjeçare ishte e ftuar në “The Today Show” për të folur për filmin e saj më të ri “The Dressmaker” ku ajo mban rolin kryesor. Personazhi i saj ka për qëllim të marrë hak për gjithë të këqijat që i janë bërë. Kate tregon se e gjen veten shumë mirë në këtë rol pasi ajo kur ka qënë adoleshente, në fillimet e karrierës së saj, ngacmohej nga miqtë e shkollës për faktin se ishte mbipeshë. Ajo shton se shokët e saj ndjeheshin xhelozë për të, sepse ajo që atëhere merrte pjesë në role të vogla teatrale. Kate është e mendimit që nëse dikush të urren për suksesin dhe punën tënde të palodhur atëherë ti, duhet t’ja bësh atyre të ditur sesa mirë shkojnë gjërat ne jetën tënde dhe sesa i lumtur je. Kjo është hakmarrja më e mirë, si qershia mbi tortë.