Katy Perry ka fituar zemrat e gjithë publikut në mbarë botën. Këngëtarja e njohur ka mbajtur një koncert privat për një vajzë të vogël në Australi, që ishte e sëmurë me kancer në tru. Në fakt e gjithë historia mbërriti deri tek Katy nëpërmjet internetit. Motra e vogëlushes nëpërmjet ‘Twitter’-it tregoi se e vogla kishte qenë fanse e këngëtares që 3 vjeçe dhe për këtë arsye kishte dashur të shkonte në koncertin e Katyt, por për shkak të sëmundjes nuk e kishte realizuar dot ëndrrën e saj. Ky status u shpërnda nga mijëra persona në mbarë botën dhe Katy e prekur nga historia e fanses së vogël vendosi ta surprizonte në shtëpinë e saj. Kjo do të thotë se interneti ndonjëherë mund të jetë vërtet magjik. /revistawho.com
