Katy Perry i habiti të gjithë në performancën e saj në Las Vegas, kur nisi të bënte një lëvizje syri që fillimisht u konsiderua si një paralizë e fytyrës. Autorja e hitit “Roar” ndaloi për pak kohë performancën e saj duke hapur sërish syrin e djathtë dhe më pas vazhdoi. Së fundmi ajo zbuloi se akti kishte qenë një metodë e përdorur për të promovuar shfaqjen e saj.
“I mirëpres të gjithë ata që do të vijnë të shohin syrin tim prej kukulle në Vegas vitin e ardhshëm! Lista e shfaqjeve është një udhëtim argëtues në korsinë e kujtesës, duke shkuar deri në vitin 2008. Kjo shfaqje është një festë pa ndalesë për gjetjen e dashurisë së pakushtëzuar dhe çuditërisht (për mua) aspak politike. Shpresoj të këndoj së bashku me ju në 2023!”
