Katy Perry ka qenë së fundmi e ftuar në emisionin radiofonik ‘Capital Breakfast With Roman Kemp’. Këngëtarja ka zbuluar gjatë intervistës në program detajet e propozimit për martesë të partnerit të saj, Orlando Bloom.
34-vjeçarja tregoi se çdo gjë ndodhi në ditën e Shën Valentinit kur dyshja kishte dalë për të darkuar së bashku në një restorant italian. Ajo u shpreh se i bëri përshtypje veshja serioze e Bloom dhe se aty ndjeu se diçka do të ndodhte.
Më pas ata u nisën të dy për të fluturuar me helikopter dhe aty ndodhi propozimi. Më pas çifti zbriti në një ndërtesë ku i gjithë vendi ishte i mbuluar me lule dhe ku i prisnin të gjithë miqtë dhe familjarët. Kujtojmë se Katy ka zbuluar gjithashtu se dasma e tyre do të organizohet në ‘Disneyland’ dhe gjithçka do të jetë përrallore./revistawho.com
