Udhëtimi i radhës në ‘Who Likes Tirana’ ka bërë bashkë Valbona Selimllarin, Kastro Zizon, Luiza Gegën, Xhesika Polon, Klint Çollakun dhe Elma Isufin nga Universiteti Mesdhetar i Shqipërisë për një eksperiencë fantastike në liqenin e Farkës.
Personazhet e njohur kanë udhëtuar së bashku me Eraldo Rexhon, jo shumë larg Tiranës, për të provuar së bashku sportin e ‘kayak’.
Pasi janë pajisur të gjithë me veshjet e duhura dhe kanë marrë instruksionet e duhura nga drejtuesi i guidës, Valbona, Kastro, Luiza, Xhesika, Klinti dhe Elma janë ndarë në grupe duke nisur kështu aventurën e tyre në mes të liqenit, duke shijuar rrezet e diellit dhe shoqërinë e njëri-tjetrit.
Përveç ‘kayak-ut’, personazhet e njohur kanë kaluar drekën në Farkë, aty ku kanë provuar dhe ushqimet tipike të zonës, duke sjellë kështu edhe pak nga kulinaria e atij vendi.
Si çdo herë tjetër episodi i kësaj radhe është mbyllur mes muzikës, e cila nuk mund të mungonte me prezencën e Xhesikës, Klintit apo Kastros që kanë sjellë mjaft energji në grup, duke i lënë radhën episodit të radhës në ‘Who Likes Tirana’, i cili premton gjithmonë shumë argëtim./revistawho.com
