Lori Hoxha e famshme për statusin e saj si një nga vajzat më të pasura në Shqipëri por edhe për shijen e hollë e shumë speciale që ka, ndiqet e komentohet nga qindra-mijëra njerëz në rrjetet sociale. Ndërkohë shqiptarët, të famshëm si një nga popujt më të “përkushtuar” në internet, shquhen për gjuhën e hidhur që përdorin nëpër komente. E shpesh shumë prej këtyre “vargjeve” i kushtohen pikërisht Lori Hoxhës. Përgjithësisht pronarja e “Top Channel” shfaqet indiferente, edhe pse është e pamundur t’i përgjigjesh gjithnjë të gjithëve. Por ndonjëherë edhe Lori s’ia përton. Ajo ka bërë një replikë të mençur me një ndjekës i cili shënon se dikur Lori sipas tij dukej si “majmun”. “Nuk të pyet njeri si ke qenë my friend (miku im)”, përgjigjet Lori, duke na kujtuar një të vërtetë universale, që të gjithë të pyesin “si je”./ revistawho.com
