Keira Knightley ofendohet publikisht nga regjisori i saj

Irlandezët njihen si njerëz të ftohtë, këtë e kemi dëgjuar, por ama regjisori John Carney u tregua mizor ditën e djeshme në një intervistë për “The Independentet” ku ka folur e ofenduar bukuroshen Keira Knightley. Ai e ka etiketuar yllin e “Priatëve të Karaibeve” si një supermodele, e jo si një aktore për të cilën ajo njihet primarisht. Regjisori gjithashtu u shpreh se aktorja ka dështuar në rolin e saj si këngëtare në filmin muzikor të vitit 2013 “Begin Again” duke thënë se ajo nuk është e zonja të këndojë asnjë notë. Edhe pse Keira është një modele e suksesshme dhe fytyra zyrtare e “Chanel” ajo është gjithashtu një aktore shumë e talentuar, e vlerësuar pozitivisht edhe nga kritikët por mesa duket asgjë nuk do t’ja ndryshonte mendjen regjisorit irlandez për të punuar sërish me të.