Në “Ferma VIP”, marrëdhëniet e këngëtarit Lim Hoti me vajzat e shtëpisë kanë qenë në qendër të vëmendjes. Flirtet, dyshimet dhe ndjenjat e pashprehura kanë krijuar një rrjet emocionesh ku të gjithë përpiqen të kuptojnë se kë preferon ai në të vërtetë.
Fillimisht, Limi pati një afrim me Esterin, me të cilën u shpreh se do të ketë një lidhje. Më pas, në lojë u përfshinë edhe Alba e Nuri, duke ngritur më shumë pikëpyetje për lidhjet që mund të kenë me të.
Sot, në një bisedë të sinqertë me Erandin, Keisi ndau mendimet e saj për këtë situatë të ndërlikuar.
“Esteri e ndjek Limin me sy gjithë kohës. Esterit i kam thën bëj kujdes se do zhgënjehesh ose do lëndohesh. Se është shumë vajzë e mirë. Më ka thënë që unë e di që do ndodh kjo, ama çdo njeri këtu tregon fytyrën e vet. Nuk ka guxim t’i thotë shoqes së vet si janë punët. Se ai ka shprehur pëlqim për mua dhe ti po puthesh dhe ulësh në prehrin e tij.”
Sipas Keisit, vetë Limi është distancuar nga Esteri për shkak të sjelljes së saj dhe tashmë ai duket se e ka humbur interesin.
“Limi thot që Esteri nuk i pëlqen më, nga veprimet që ka bërë. I ka dal nga qefi. Ça do Limi. Limi mund ta bëjë edhe për lojë. Po ato të dyja që janë shoqe dhe nuk i dalin dot përballë njëra-tjetrës,” shton ajo.
Sa i përket raportit të saj personal me Limin, Keisi lë të kuptohet se mes tyre ka diçka më shumë sesa shihet në ekran.
“Unë me Limin jemi tjetër gjë. Këta nuk e kanë kuptuar asnjëherë, por unë kam bërë gjithmonë rolin. Unë e kam bërë dhe Limi më kupton në sy, ne kuptohemi me shikim. Unë kushedi sa herë kam vënë syzet dhe kam parë reagimin e Nurit. Nurit i ikën mimika e fytyrës.”
Situata në fermë vazhdon të jetë e paqartë, por një gjë është e sigurt – emocionet janë në kulm dhe të gjithë janë kuriozë të shohin si do zhvillohet ky trekëndësh (apo katërkëndësh?) i ndjenjave.
