Postimet e fundit në rrjetet sociale të reperit të njohur, Stresi dhe Keisit kanë ngjallur një sërë komentesh në rrjet. Dyshja prej kohësh ka përjetuar një lidhje në distancë, pasi Keisi është larguar drejt Kanadasë. Pas postimeve të orëve të fundit, ku Kejsiu tregoi se ishte në një takim, erdhi dhe përgjigja e Stresit i cili shkroi: “Unë s’kam urrejtje ndaj teje, për mua mjafton të jesh mirë kudo të jesh, tjerat vijnë e shkojnë”.
Ndërsa i kontaktuar nga “Iconstyle.al”, Stresi u shpreh: “Makiazhi mund t’ju bëjë të bukur në paraqitjen e jashtme, por nuk mund t’ju ndihmojë nëse jeni e shëmtuar nga brenda. Veçse nëse e hani makiazhin”. Së fundmi Kejsi ka vendosur t’i përgjigjet edhe njëherë reperit me anë të një postimi në ‘Instastory’.
“Imagjino ç’bëhet për një djalë imagjinar që nuk është parë me sy, bëhet dhe lajm portalesh mundësisht. Ndërkohë të tjerët që janë të martuar, kapen në hotele me femër tjetër dhe prap s’dalin me shpirt të shëmtuar. Hajde botë hajde. Gjithsesi, gjithsecili e tregon veten në fund”, ka shkruar Keisi në postimin e fundit në rrjetet sociale, duke treguar raportin me Stresin dhe problemet e lidhjes me të.
Nuk dihet nëse pas këtij momenti do të vijë dhe një reagim i Stresit, megjithatë ndjekësit janë në pritje të vazhdimit të historisë mes tyre./revistawho.com
