Kejvina Kthella u shfaq në tetor të vitit 2017 në emisionin ‘Xing me Ermalin’ dhe u prezantua si velina e programit, duke rrëmbyer menjëherë vëmendjen e të gjithëve.
Pas një periudhe të gjatë pranë televizionit ‘Klan’, Kejvina ka treguar mbrëmjen e sotme së bashku me Ermalin se do të largohet nga programi për arsye se duhet të ndjekë ëndrrat e saj në shtetin italian.
Mamaqi ka shtuar gjithashtu se shumë shpejt do ta shohim bukuroshen në një nga ekranet më të mëdha italiane, duke i surprizuar kështu të gjithë teleshikuesit.
Ende nuk dihet se në cilën fushë do të përqendrohet tashmë Kejvina, por kjo mbetet për t’u parë në muajt në vazhdim./revistawho.com
