Kejvina Kthella ka qëndruar larg ekranit televiziv për një kohë të gjatë. Ish-banorja e “Big Brother VIP 2” ka ndarë me ndjekësit e saj në Instagram një lajm që mund të ketë zhgënjyer disa nga fansat e saj. Gjatë një bisede virtuale, ajo ka treguar se nuk ka më dëshirë të rikthehet në televizion.
Një ndjekës i shkruajti se i mungonte ta shihte në televizion, por Kejvina u përgjigj hapur duke thënë se “nuk i pëlqen më”. Ajo shpjegoi se nuk i intereson më bota televizive, pasi e ka kuptuar që nuk është për të. Sipas saj, natyra e saj e sinqertë shpesh keqkuptohet në atë mjedis.
Pavarësisht se e shoqëroi përgjigjen me disa ikona që qeshin, mbetet për t’u parë nëse modelja do të rikthehet ndonjëherë në ekran apo jo.
