Gashi, është një nga emrat më të njohur jo vetëm në Shqipëri por edhe në tregun ndërkombëtar. Ai arriti të realizonte ëndrrën e çdo artisti, dhe triumfoi me anë të talentit të tij në SHBA si dhe me bashkëpunime të shumta me artistët më të dëgjuar në ditët e sotme. I ftuar në studion e MTV, nën drejtimin e gazetarit Sway, ai ka folur për shqiptarët dhe prejardhjen e tij. Pasi moderatori e ka pyetur nëse ndihet krenar që është shqiptar, ai është shprehur: “Jam shumë i lumtur për njerëzit e mi. Po, jemi bërë si Avengers. Jam shumë krenar që të gjithë jemi bërë kaq të mirë. E di, ne kemi ardhur nga asgjëja dhe duam të marrim gjithçka. Secili kemi historitë tona familjare e kemi sakrifikuar shumë”. Këngëtari sapo ka publikuar këngën e tij më të fundit të titulluar “Safety”, të cilën e konsideron si një prej më të bukura që ai ka.
