Kendall Jenner dhe Willow Smith bashkohen për të përcjellë një mesazh të rëndësishëm

Modelja me famë botërore Kendall Jenner dhe vajza e Will Smith, këngëtarja Willow Smith janë bërë bashkë për një set shumë argëtues për revistën “Garage”. Vajzat janë fotografuar në portret me filtra të ndryshëm të rrjetit social Snapchat në mbështetje të fushatës “Anti-Cyber Bulling” që ka të bëjë me ngacmimet, kërcënimet dhe talljet online dhe rrjeteve sociale. Dy vajzat janë imazhi perfekt i kësaj fushate pasi të dyja kanë mijëra ndjekës në instagram dhe kanë përjetuar tallje dhe ngacmime të ndryshme nga shoqëria apo njerëz të panjohur, për këtë arsye ato duan të përçojnë një mesazh pozitiv mbi këtë fenomen. Me fytyra qenushi apo blete Kendall dhe Willow na këshillojnë të jemi të qetë dhe të sjellshëm me njëri-tjetrin në rrjete sociale dhe se duhet t’i përdorim profilet tona në mënyrën e duhur.