Harry Styles dhe Kendall Jenner i janë rikthyer përsëri romancës së tyre. Çifti problematik, i cili për herë të parë u lidh në 2013 dhe shijoi disa pushime në Karaibe në fillim të këtij viti, ka nisur të shoqërohet sërish me njëri-tjetrin pasi Kendall dhe Harry u fotografuan në një darkë romantike në Los Angeles javën e kaluar. Një burim ka deklaruar për “People”: “Ata i janë rikthyer dashurisë së vjetër dhe Kendall është kaq e emocionuar dhe e lumtur. Ajo gjithmonë ka qënë e interesuar për Harry. Fytyra e Kendall ishte e mbuluar me buzëqeshje. Ata kanë vendosur të kalojnë përsëri kohë bashkë”. Pavarësisht se Kendall 20-vjeçe dhe Harry 22-vjeç, kanë kohë që e njohin njëri-tjetrin por kurrë nuk i kanë marrë gjërat seriozisht.
