Edhe pse mund të gëzojë të gjitha privilegjet që i jep mbiemri i saj, Kendall Jenner duket se nuk ndihet plotësisht rehat me imazhin që duhet t’i projektojë botës. Ajo ka lënë gjithmonë përshtypjen se po shkon kundër valës ose, të paktën, e ka bërë e vetme në vendimet që ka marrë ndër vite.
Në një intervistë për revistën e publikuar nga The Wall Street Journal, modelja 27-vjeçare ka rrëfyer se nuk ndihet si “kardashian”.
Larg pretendimit se ka një marrëdhënie të keqe me ta, ajo ka pranuar se “që e vogël, ndihej e pavend në familjen e saj”.
“Unë nuk jam ndërtuar për këtë në asnjë mënyrë. Nuk jam e mirë në këtë. E bëj dhe kam mësuar si ta bëj”, tha ajo.
Kendall Jenner e ka krahasuar veten me motrën e saj, Kim Kardashian. “Kim ka thënë ‘Unë shkoja në Kitson [një dyqan i famshëm veshjesh] në Robertson [Bulevard] vetëm për t’u fotografuar. Dhe mendoj se ajo është krijuar për këtë jetë,” tha ajo.
Për Kendall ka qenë shumë më e ndërlikuar përshtatja me këtë botë. “Më u deshën gati 20 vjet për të menduar, ‘OK, mendoj se po mësohem me të tani’.
“Unë e konsideroj veten një nga njerëzit më me fat në planet që mund të jetoj jetën që jetoj, por mendoj se është shumë më sfiduese për mua,” tha ajo.
