Besa Kokëdhima lajmëroi ditën e sotme se ka vendosur të heqë dorë nga konkurimi në “Kënga Magjike” për shkak të gjendjes së ngarkuar emocionale nga tërmeti që tronditi Shqipërinë. Këngëtarja u shpreh se nuk është në gjendje të këndojë kur bashkëkombësit e saj po vuajnë dhe të gjithë janë në panik. Në fund ajo u shpreh e bindur se “Kënga Magjike” do të bëjë një punë shumë të mirë dhe falenderoi Ardit Gjebrean e organizatorët për mundësinë që i dhanë.
https://www.instagram.com/p/B5c_8t4hoAX/?igshid=tmofuzvhgm06
Por pas këtij njoftimi Gjebrea i ka shkruajtur publikisht Besës atë që duket se ia ka komunikuar dhe privatisht, duke zbuluar kësisoj për të gjithë shqiptarët motivin e këtij edicioni të “Kënga Magjike”. Drejtuesi i këtij festivali ka treguar se kauza e “Kënga Magjike” do të jetë “Këndoj për të ndërtuar”, sepse me të ardhurat që do të mblidhen nga shitja e biletave do të ndërtohet një shtëpi në Thumanë. Përveç promovimit të këngëve dhe ringjalljes së shpresës e optimizmit, këtë vit në qendër të festivalit do të jetë dhënia e një kontributi dhe një mesazhi për gjithë shqiptarët. “Besa e dashur të thashë që ‘Kënga Magjike’ këtë vit do të ketë mision ‘këndoj për të ndërtuar’ dhe të gjithë bashkë do të kontriubojmë për ata që kanë nevojë. Kam qenë këto ditë në Thumanë dhe vendosëm që me të ardhurat nga biletat të ndërtojmë një shtëpi nga e para dhe kjo gjë do të transmetohet të dielën në ‘E diela shqiptare’. Secili bën atë që ndjen, të gjithë artistët janë bashkë këtë herë për të ndërtuar. Të lutem mos mungo! Të gjithë ndjejmë dhimbje po të gjithë bashkë mundemi. Edhe artistët e huaj kanë ardhur për këtë kauzë! Të presim!”, – ka shkruar Arditi në koment. / RevistaWho.Com
https://www.instagram.com/p/B5dHm2SHFt1/?igshid=xtiso73fl3jn
