Pak javë më parë Evi Reçi publikoi këngën “Si Margjelo” në bashkëpunim me artistin e huaj, Shantel. Ky duet erdhi si një ripunim i këngës së vjetër shkodrane “Margjelo”. Kënga u mirëprit mjaft mirë nga publiku dhe duket se ka kaluar edhe kufijtë shqiptarë. “Si Margjelo” e ka pëlqyer edhe artisti i mirënjohur italian Lorenzo Jovanotti. E lumtur dhe krenare për këtë fakt, Evi nuk ka ngurruar që ta ndajë me të gjithë. Ajo ka publikuar në rrjete sociale një foto, në të cilën shihet se Jovanotti ka pëlqyer një postim të Shantel, që ishte shkëputur nga kënga me Evin. “Moment vaniteti. E pëlqen Jovanotti”, – ka shkruar këngëtarja shqiptare bashkangjitur postimit.
Kujtojmë se Evi ka jetuar në Itali dhe tashmë është rikthyer në Shqipëri për të drejtuar emisionin “Vizioni i pasdites”. /revistawho.com
