Në tetor të 2018-tës Noizy publikoi këngën “Meksikane” në bashkëpunim me pjesëtarin e grupit “OTR”, Varrosi. Kënga u pëlqye shumë nga fansat e reperëve, por përveç tyre edhe nga ana e artistëve të huaj.
“Meksikane” ka rrëmbyer vëmendjen e disa këngëtarëve në Bullgari, të cilët kanë kopjuar çdo notë muzikore të këngës. Artisti bullgar i njohur si Slavi Trifonov, KU-KU Band dhe Gamma kanë realizuar një tjetër këngë me po të njëjtin ritëm si ajo e Noizyt dhe Varrosit. Kënga e bullgarëve është publikuar rreth 1 muaj më parë dhe fansat shqiptarë nuk kanë ngurruar t’ua vënë në dukje faktin se ata e kanë të kopjuar.
“Ata kanë vjedhur këngën e Noizyt dhe Varrosit- Meksikane. Ata kanë kopjuar beat-in dhe ritmin”, ka shkruar dikush në pjesën e komenteve në ‘Youtube’. Fama e Noizyt i ka kaluar kufijtë prej kohësh, prandaj këngët e tij tashmë po kthehen në një burim frymëzimi për artistët e huaj. Kujtojmë se pak javë më parë Noizy këndoi për herë të parë shqip në mes të Athinës në një nga eventet më të rëndësishme muzikore në shtetin fqinj. /revistawho.com
