Kënga e re e Taylor Swift zbulon pak nga lidhja e saj super sekrete

Fansat e Taylor Swift po ‘çmenden’ derisa të dëgjojnë albumin më të ri të këngëtares, i cili do të publikohet pas një jave. Megjithatë, Taylor ka publikuar këngën ‘Lover’ dhe nga teksti, të gjithë mendojnë se flet për lidhjen 3-vjeçare të këngëtares me aktorin Joe Alwyn. Ato gjithashtu mendojnë se Taylor dhe Alwyn janë fejuar dhe pavarësisht se kënga nuk e vërteton këtë, kuptohet qartë nga fjalët se sa të afeksionuar janë të dy pas njëri-tjetrit. Në tekst Taylor përmend takimin e tyre të parë, xhelozinë që ndjen për Joe, si dhe pranon faktin se lidhja e tyre ka nisur 3 vite më parë. Swift nuk ka pranuar se është fejuar apo martuar dhe as kënga nuk e konfirmon diçka të tillë, megjithatë duket se gjërat janë vërtetë serioze. Sipas burimeve për ‘UsWeekly’ një propozim është në horizont dhe Taylor e do këtë po aq shumë sa dhe vetë Alwyn./revistawho.com