Dua Lipa është kthyer në këngëtaren fenomen, e cila në një kohë të shkurtër ka arriturr një sukses të paimagjinueshëm në të gjithë botën. Këngët e saj si ‘New Rules’, ‘Be the One’, ‘Scared to Be Lonely’ kanë arritur me miliona shikime në ‘YouTube’ dhe kryesojnë listat botërore në muzikë. Përpara dy javësh këngëtarja hodhi në treg këngën ‘IDGAF’ që deri tani numëron 52 milion klikime në ‘Youtube’. Për shkak të gjithë sukseseve dhe fansave të saj të shumtë Dua Lipa ka vendosur që këngën ‘IDGAF’ ta sjell dhe në gjuhën frënge. Vetë Dua e ka dhënë këtë lajmërim në ‘Instagram’ duke treguar se ndihet shumë e lumtur që ka filluar regjistrimin në këtë gjuhë dhe se shumë shpejt do ta ndajë edhe me ndjekësit e muzikës së saj.
