Kënga Magjike 2016. Publiku rikthen Rozana Radi-n në skenë

Mbrëmjen e djeshme ishte nata e parë e festivalit “Kënga Magjike” ku performuan shumë artistë. Por ajo që emocionoi publikun ishte Rozana Radi me këngën “Ma thuaj ti”. Pas performancës së saj, publiku u ngrit në këmbë për të nderuar këngëtaren. Duke qënë se publiku e ka pëlqyer shumë këngën dhe duartrokitjet nuk pushonin, Rozana u rikthye në skenë për të falenderuar publikun. Kënga trajton fuqinë e femrës dhe teksti është shkruar nga vetë këngëtarja. Kënga e Rozana Radit është cilësuar si këngë pretende për fitore.