Për pak ditë do mbahen netët e shumëpritura të komepeticionit europian më të rëndësishëm të muzikës moderne. ‘Eurovision’ do zhvillohet në ‘Tel Aviv’ dhe të gjithë përfaqësuesit e vendeve pjesëmarrëse kanë udhëtuar së fundmi drejt tij. Siç edhe u zbulua më herët, Jonida bashkë me grupin shoqërues tashmë kanë mbërritur dhe përgatitjet kanë nisur.
Por muzika shqiptare është kthyer në një shoqëruese edhe të udhëtimeve të këgëtarëve të tjerë të kompeticionit. Në rastin konkret ka qenë një video e publikuar nga përfaqësuesi i Zvicrës ajo që e ka vërtetuar këtë fakt. Këngëtari është parë duke kërcyer në ritmet e këngës së Morena Tarakut dhe Aida Docit që mban emrin ‘Amore’. Grupi i tij po ashtu duket se po e shijon argëtimin nën ritmet e muzikës shqiptare.
Hitet e suksesshme nga këngëtarët shqiptarë kanë kaluar prej kohësh kufijtë shqipfolës dhe kjo video është tregues real i këtij fakti. / revistawho.com
