Gashi është një nga reperët më të suksesshëm shqiptarë, i cili ka zgjedhur që karrierën e tij ta vazhdojë në Shtetet e Bashkuara të Amerikës. Herë pas here ai publikon në rrjetet sociale, ndodhitë më të veçanta me të cilat i duhet të ndeshet, ndaj së fundmi në llogarinë e tij në ‘Instagram’, ka zbuluar njërën prej tyre.
“Sapo mbërrita në Zvicër dhe jepet kënga “Creep On Me”, ndërkohë që zbres nga avioni”,- ka shkruar Gashi në postimin e tij më të fundit në rrjetet sociale.
Siç duket kënga e cila ishte një bashkëpunim me French Montana dhe Dj Snake, vazhdon të mbetet ndër të preferuarat e publikut. Kujtojmë se ajo është publikuar në muajin shtator të vitit 2018 dhe deri më tani numëron 13 milionë klikime në kanalin e ‘Youtube’.
Ndërsa vetëm 2 ditë më parë, Gashi solli projektin e tij më të fundit muzikor, me titull ‘Roses’, i cili ka pasur komente tepër pozitive nga ndjekësit e reperit./revistawho.com
