Këngëtarja e njohur me origjinë shqiptare, Rita Ora ka diskutuar së fundmi për bullizmin online dhe ka lënë të kuptohet se gjërat nuk janë aspak mirë në këtë aspekt, as për të.
Me shumë sinqeritet, Rita pranoi se e kanë thirrur me çdo emër që ekziston, e kanë tallur dhe kjo gjë nuk mund të ndalet, prandaj ka menduar të mbyllë ‘Instagram-in’. “Ndodh çdo ditë online, kundrejt meje dhe shume njerëzve të tjerë. Më kanë shkruar: ‘dukesh shumë keq’, ‘pse e vesh atë?’, gjëra shumë të shëmtuara që një njeri në jetën reale nuk ka guxim të t’i thotë”,-u shpreh Ora.
Më tej gjatë diskutimit, Rita i këshilloi të gjithë të marrin herë pas here një pushim nga mediat sociale, pasi dëmi është i madh. Këngëtarja shtoi edhe faktin që shumë shpesh ka menduar ta mbyllë ‘Instagram-in’ përfundimisht, madje ka shanse që ta bëjë së shpejti. /revistawho.com
