Ditën e sotme u mbajt një protestë para kryeministrisë nga artistë të njohur, pronarë baresh dhe clubesh për shkak se qeveria vendosi për mbylljen e lokaleve të natës dhe ndalimin e muzikës në çdo vend pas orës 20.00.
Pjesë e kësaj proteste ishte dhe këngëtari Devis Xherahu.
Këngëtari u shprej lokalet e natës në ambientet e hapura duhet të funksionojnë si bankat dhe supermarketet, ndërsa propozon mbajtjen e maskave apo zbatimin e rregulloreve të nxjerra nga Ministria e Shëndetësisë.
“Është e drejta jonë si artistë, që pas urdhrit nga Manastirliu, të reagojmë, se si funksionojnë bankat dhe restorantet, duhet të funksionojnë dhe lokalet e natës, me maska. Të mos mbyllen por të ketë një rregullore të re. Jo të mbyllen. Është protestë paqeje”, tha Devis Xherahu.
