“Victoria’s Secret Fashion Show” është një spektakël mode që organizohet çdo vit për të reklamuar veshjet e brendshme dhe ato të gjumit të markës së njohur. Kjo është një nga ngjarjet më të rëndësishme të modës dhe aty mblidhen emrat më të njohur nga bota e showbizz-it. Në pasarelë parakalojnë çdo vit modelet më të njohura, të cilat shoqërohen me muzikë nga këngëtarët më të mirë. “Victoria’s Secret” ka zbuluar emrat e këngëtarëve që do të performojnë këtë vit dhe krahas tyre vihen re edhe dy shqiptaret me famë botërore, Bebe Rexha dhe Rita Ora. Bebe është shprehur shumë e entuziazmuar në rrjete sociale që do të jetë pjesë e këtij eventi, që do të organizohet në 2 dhjetor në New York. Më parë në skenën e “Victoria’s Secret Fashion Show” janë ngjitur emrat më në zë të muzikës botërore si Ed Sheeran, Taylor Swift, Ariana Grande, Selena Gomez, The Weeknd e shumë të tjerë. /revistawho.com
https://www.instagram.com/p/Bpo3xBygQ0T/?taken-by=victoriassecret
