Morena Taraku ka ditur gjithmonë si të tërheqë vëmendjen e fansave dhe jo vetëm. Shpesh kemi parë personazhe të njohur të komentojnë në fotot e saj në rrjete sociale, në veçanti Jason Derulo. Këngëtarja shqiptare dhe ai amerikan ndjekin njëri-tjetrin në ‘Instagram’ dhe Derulo nuk ka nguruar që ta komplimentojë Tarakun për projektet e saj muzikore. Pavarësisht se askush nuk e di se si janë njohur ata të dy, duket se Morena ka pasur mundësinë që edhe ta takojë nga afër Jason. Së fundmi Morena ka uruar publikisht këngëtarin amerikan për ditëlindjen e tij dhe me këtë rast ka zbuluar se ata të dy njihen shumë mirë me njëri-tjetrin. Këngëtarja ka publikuar në ‘Instastory’ një foto me Jason, në të cilën ajo shihet e ulur shumë pranë tij. Bashkangjitur fotos Morena ka shkruar: “Gëzuar ditëlindjen Jason Derulo”, shoqëruar me figurën e një zemre.
Ata të dy mundet të jenë miq të mirë me njëri-tjetrin duke qenë se ndajnë të njëjtin pasion për muzikën, megjithatë pritet që të zbulohet në vijim se çfarë i bën bashkë Morenën dhe Jason. /revistawho.com
