Dita e sotme shënoi ditëlindjen e divës së muzikës shqiptare, Adelina Ismaili. Urimet kanë qenë të shumta nga fansat e saj dhe sigurisht njerëzit e dashur. Alban Ramosaj, tashmë një artist i ri, por shumë i pëlqyer ka shprehur hapur adhurimin e tij për Adelina Ismailin. Nën foton e këngëtares ai ka shkruar: ‘Simpatia ime e parë. Urime ditëlindja legjendë’. Ky rast kur artistë shqiptarë pranojnë publikisht afeksionin në moshë të hershme për Adelinën nuk është i pari. Në programin festiv të Klan Kosova disa vite më parë, Nora Istrefi kishte pranuar se në fëmijëri, Ismaili ka qenë muza e frymëzimit për të.
