Këngëtari Ardit Çuni ka publikuar në muajin shkurt këngën ‘Ajo’, një bashkëpunim muzikor me Eranda Libohovën. Një projekt i veçantë për të dy këngëtarët të cilët me këtë klip sjellin një histori dashurie të luajtur bukur nga të dy. I ftuar në ‘Pop Culture’, Ardit Çuni ka folur për realizimin e këtij projekti duke zbuluar disa nga detajet e prapaskenave dhe të punës me këngëtaren e dashur të skenave shqiptare. Ai ka treguar se puna me Erandën nuk ka qenë e vështirë dhe nuk ka qenë fare e bezdisshme.
“Eranda e ka pasur të vështirë futjen në rolin e të dashuruarve, por gjithçka ka dalë shumë bukur dhe jemi të kënaqur”, -ka treguar më tej ai. Projekti i radhës sipas Arditit do të jetë një koncert recital shumë i bukur i një grupi këngëtarësh të rinj që do të këndojnë për Eranda Libohovën./revistawho.com
