Endrik Beba, këngëtari i dashur shqiptar, i bërë i njohur si një prej zërave më të spikatur të jetës së natës, ka rrëfyer në revistën “Story” dasmën e tij me Redinën, që është tashmë edhe nëna e djalit të tij, Liam. Në intervistën e dhënë, ai dhe bashkëshortja e tij kanë treguar momente nga njohja që ishte krejt rastësore, në një nga lokalet e jetës së natës, ku Endri këndonte ‘live’. Veç kësaj, ata kanë ndarë më lexuesit edhe një detaj shumë interesant, siç ishte ai i festës së beqarisë. “E ftuam njëri-tjetrin në festën e beqarisë, pasi ne jemi edhe shokë shumë të mirë. Unë e çova në një party me këngëtarin e saj të preferuar, ndërsa ajo më dha një party plot alkool, duke më sfiduar sesa mund të pija. Normalisht ishin edhe pjesa tjetër e shoqërisë”, – ka rrëfyer Endri. Ai dhe e dashura e tij e zemrës Redina, i dhanë fund beqarisë në korrik të vitit të shkuar dhe sot janë prindër të një djali.
